Advertisement
തിരുവനന്തപുരം . സംസ്ഥാനത്ത് വീണ്ടും പോലീസ് ആത്മഹത്യ. തിരുവനന്തപുരം പൂന്തുറയിലാണ് ട്രാഫിക് സ്റ്റേഷനിലെ സിവിൽ പൊലീസ് ഓഫീസർ ആത്മഹത്യ ചെയ്തത്.സി.പി.ഒ മദനകുമാറിനെയാണ് ഇന്ന് രാവിലെ മരിച്ച നിലയിൽ കണ്ടെത്തിയത്. പൂന്തുറയിലെ പൊലീസ് ക്വാർട്ടേഴ്സിലാണ് സംഭവം. മൃതദേഹത്തിന് രണ്ട് ദിവസം പഴക്കമുണ്ടെന്ന് പൂന്തുറ പൊലീസ് അറിയിച്ചു.കുടുംബപ്രശ്നങ്ങളെത്തുടർന്നാണ് ആത്മഹത്യയെന്ന പ്രാഥമിക നിഗമനത്തിലാണ് പോലീസ്.ഈ മാസം ഇത് ആറാമത്തെ പൊലീസ് ഉദ്യോഗസ്ഥനാണ് സംസ്ഥാനത്ത് ആത്മഹത്യ ചെയ്യുന്നത്.ആത്മഹത്യകൾ വർധിക്കുന്നതോടെ പൊലീസുകാരുടെ മാനസിക സമ്മർദം കുറയ്ക്കുന്നതിന് സപ്പോർട്ടിങ് കമ്മിറ്റികൾ രൂപീകരിക്കാൻ ആഭ്യന്തര വകുപ്പ് നിർദേശം നൽകിയിരുന്നു.
Advertisement
