കോഴിക്കോട്. സമസ്ത സ്ഥാപക ദിനത്തോടനുബന്ധിച്ച് ഇന്ന് രാവിലെ 10 മണിക്ക് സമസ്ത അങ്കണത്തില്‍ വെച്ച് നേതൃസംഗമം നടക്കും. സ്ഥാപക പ്രസിഡണ്ട് വരക്കല്‍ മുല്ലക്കോയ തങ്ങളും ദീര്‍ഘകാലം സമസ്തയെ നയിച്ച ശംസുല്‍ ഉലമ ഇ.കെ. അബൂബക്കര്‍ മുസ്‌ലിയാരും അന്ത്യവിശ്രമം കൊള്ളുന്ന പുതിയങ്ങാടി വരക്കല്‍ മഖാം സിയാറത്തോടെയാണ് പരിപാടികള്‍ക്ക് തുടക്കമാവുക. പാണക്കാട് സാദിഖലി ശിഹാബ് തങ്ങള്‍ അധ്യക്ഷനാകുന്ന ചടങ്ങ്, സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്തയുടെ 99 ആം പിറന്നാളിനോടനുബന്ധിച്ച് വിപുലമായ ആഘോഷ പരിപാടികളാണ് എ പി അബൂബക്കർ മുസ്‌ലിയാരുടെ നേതൃത്വത്തിലും നടത്തുന്നത്. കാലിക്കറ്റ് ടവറിൽ നടക്കുന്ന പരിപാടിയിൽ അബൂബക്കർ മുസ്‌ലിയാർക്കൊപ്പം ഇ. സുലൈമാൻ മുസ്ലിയാർ, ഇബ്രാഹിമുൽ ബുഖാരി തങ്ങൾ, അലി ബാഫഖി തങ്ങൾ തുടങ്ങിയവരും പങ്കെടുക്കും.
