Advertisement
പാലക്കാട് . അവധി ചോദിച്ചതിന് പൊലീസ് ഉദ്യോഗസ്ഥനെ മേലുദ്യോഗസ്ഥന്‍ അവഹേളിച്ചതായി പരാതി. നെല്ലിയാമ്പതി പാടഗിരി പൊലീസ് സ്റ്റേഷനിലെ സിപിഒയെയാണ് സിഐ അവഹേളിച്ചത്. ബൈക്കിന്റെ താക്കോല്‍ പിടിച്ചുവാങ്ങുകയും മറ്റുളളവരുടെ മുന്നില്‍വെച്ച് അവഹേളിക്കുകയും ചെയ്തു. താക്കോല്‍ കൊണ്ടുപോയതോടെ സിപിഒ ഒരു മണിക്കൂറോളം തന്റെ ബൈക്കില്‍ പെരുമഴയത്ത് ഇരുന്നു. നെല്ലിയാമ്പതി പഞ്ചായത്ത് പ്രസിഡന്റ് എത്തിയാണ് പിന്നീട് പ്രശ്‌നം പരിഹരിച്ചത്‌.
മേലുദ്യോഗസ്ഥരുടെ പീഡനം മൂലം ലോക്കല്‍പോലീസിലേക്ക് വരുവാന്‍ ക്യാംപ് പൊലീസുകാര്‍ മടിക്കുന്നത് വാര്‍ത്തയായിരുന്നു. നിരവധി പൊലീസുകാര്‍ ആത്മഹത്യചെയ്ത സംഭവവും ഉണ്ടായി.
Advertisement
