എറണാകുളം. പെരുമ്പാവൂരിൽ ഇതര സംസ്ഥാന തൊഴിലാളിയെ സഹപ്രവർത്തകൻ കുത്തിക്കൊന്നു.
ഒഡീഷ സ്വദേശി ആകാശ് ഡിഗലാണ് കൊല്ലപ്പെട്ടത്.
കൊലക്ക് ശേഷം ഓടി രക്ഷപെട്ട ഒഡീഷ സ്വദേശി അഞ്ചൻ നായകിനു വേണ്ടി പോലീസ് അന്വേഷണം ഊ‍ർജിതമാക്കി.
ഇരുവർക്കുമിടയിൽ നിലനിന്നിരുന്ന മുൻവൈരാഗ്യമാണ് കൊലപാതക കാരണം.
ഓരേ കെട്ടിടത്തിലെ രണ്ടു മുറികളിലാണ് കൊല്ലപ്പട്ട ആകാശും പ്രതി അഞ്ചൻ നായകും താമസിച്ചിരുന്നത്.
രാവിലെ ഏഴരയോടെ ആകാശ് കുടുംബസമേതം താമസിക്കുന്ന മുറിയിലെത്തിയ അഞ്ചൻ തർക്കത്തിലേർപ്പെട്ടു.
തുടർന്നാണ് കൈയിൽ കരുതിയരുന്ന കത്തി ഉപയോഗിച്ച് ആകാശിനെ കുത്തിയത്.
സമീപത്തുണ്ടായിരുന്നുവർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനയില്ല.
കുത്തിയ ശേഷം അഞ്ചൻ ഓടി രക്ഷപെട്ടു.
അഞ്ചന് വേണ്ടി പോലീസ് അന്വേഷണം ഊ‍ർജിതമാക്കി.
വൈരാഗ്യത്തിന് പിന്നിലെ കാരണം വ്യക്തമല്ല.
ആകാശിന്റെ മൃതദേഹം പെരുമ്പാവൂർ താലൂക്ക് ആശുപത്രി മോ‍ർച്ചറിയിൽ സൂക്ഷിച്ചിരിക്കുകയാണ്.
