Advertisement
തിരുവനന്തപുരം . നീറ്റ് പരീക്ഷ ക്രമക്കേട് ഉത്തരവാദികളായ കേന്ദ്രസർക്കാർ ധാർമിക ഉത്തരവാദിത്തം ഏറ്റെടുക്കണം എന്ന് ആവശ്യപ്പെട്ടുകൊണ്ട് എസ്എഫ്ഐ രാജ് ഭവനിലേക്ക് മാർച്ച് നടത്തി. എസ്എഫ്ഐ സംസ്ഥാന സെക്രട്ടറി പി എം ആർഷോയുടെ നേതൃത്വത്തിൽ ആയിരുന്നു മാർച്ച്. രാജ്ഭവൻ റോഡിൽ പോലീസ് പ്രതിഷേധം തടഞ്ഞു. ബാരിക്കേഡ് മറിച്ചിട്ട് പ്രവർത്തകർ ചാടി കടന്നു. പോലീസും പ്രവർത്തകരും തമ്മിൽ നേരിയ സംഘർഷം ഉണ്ടായി. വിദ്യാർത്ഥി പ്രവർത്തകർക്ക് നേരെ ജലപീരങ്കി പ്രയോഗിച്ചു. പിരിഞ്ഞു പോകാതെ റോഡിൽ കുത്തിയിരുന്നു പ്രതിഷേധിച്ച എസ്എഫ്ഐ പ്രവർത്തകരെ പോലീസ് ബലം പ്രയോഗിച്ച് അറസ്റ്റ് ചെയ്തു നീക്കി. കേന്ദ്ര വിദ്യാഭ്യാസ മന്ത്രി ധർമ്മേന്ദ്രപ്രദാൻ രാജിവെക്കണം എന്നായിരുന്നു പ്രവർത്തകരുടെ ആവശ്യം.
Advertisement
