തിരുവനന്തപുരം. സിപിഐ സംസ്ഥാന സെക്രട്ടറി ബിനോയ് വിശ്വത്തിന് മറുപടിയുമായി സിപിഐഎം കേന്ദ്ര കമ്മിറ്റി അംഗം എ കെ ബാലന്‍. സിപിഐഎമ്മും എസ്എഫ്‌ഐയും വഴിയില്‍ കെട്ടിയ ചെണ്ട അല്ലെന്ന് എ കെ ബാലന്‍. മുന്നണിക്കുള്ളിലായാലും, പുറത്തായാലും എസ്എഫ്ഐയുടെ രക്തം കുടിക്കാൻ അനുവദിക്കില്ലെന്നും എ കെ ബാലൻ പറഞ്ഞു. മാധ്യമങ്ങൾ സൃഷ്ടിക്കുന്ന പൊതുബോധത്തിൽ ബിനോയ് വിശ്വം വീഴരുതെന്നായിരുന്നു എസ്എഫ്ഐ സംസ്ഥാന സെക്രട്ടറി പി എം ആർഷോയുടെ പ്രതികരണം.
പുതിയ എസ്എഫ്‌ഐക്കാര്‍ക്ക് ഇടതുപക്ഷം എന്ന വാക്കിന്റെ അര്‍ത്ഥം അറിയില്ലെന്നും, തിരുത്തിയില്ലെങ്കിൽ മുന്നണിക്ക് തന്നെ ബാധ്യത ആകുമെന്നായിരുന്നു ബിനോയ് വിശ്വത്തിൻറെ വിമർശനം. കാര്യവട്ടം, കൊയിലാണ്ടി കോളേജുകളിലെ അതിക്രമത്തിൻറെ പശ്ചാത്തലത്തിലായിരുന്നു സിപിഐ സംസ്ഥാന സെക്രട്ടറി പ്രതികരിച്ചത്. ബിനോയ് വിശ്വത്തിന് മറുപടി പറഞ്ഞത് എ കെ ബാലൻ.
എന്നാൽ എ കെ ബാലൻ ഉദ്ദേശിച്ചത് തന്നെ അല്ലെന്നും, എസ്എഫ്ഐയുടെ ചോരകുടിക്കാൻ താനും അനുവദിക്കില്ലെന്നും ബിനോയ് വിശ്വം മറുപടി പറഞ്ഞു.
മാധ്യമങ്ങൾ സൃഷ്ടിക്കുന്ന പൊതുബോധത്തിൽ വിധേയപ്പെട്ട് പോകരുതെന്നായിരുന്നു ബിനോയ് വിശ്വത്തിന് എസ്എഫ്ഐ നൽകിയ മറുപടി.
