തിരുവല്ല:ക്രിസ്തുവിൻ്റെ വെളിച്ചം തേടിവന്ന സമൂഹമെന്ന നിലയിൽ പരിവർത്തിത ക്രൈസ്തവർ കൊടിയ ചൂഷണങ്ങൾക്കു് വിധേയപ്പെട്ടുകൊണ്ടിരിക്കയാണന്ന് കേരളാ കൗൺസിൽ ഓഫ് ചർച്ചസ് ജനറൽ സെക്രട്ടറി ഡോ: പ്രകാശ് പി.തോമസ് പറഞ്ഞു. അസ്സോസിയേഷൻ ഓഫ് ഇന്ത്യൻ നേറ്റീവ് ക്രിസ്ത്യൻസ് (എഐഎൻ സി )രണ്ടാം ജന്മദിന വാർഷികം തിരുവല്ല വൈഎം സി എ ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം.നിയമ നിർമ്മാണ സഭകളിൽ പരിവർത്തിത ക്രൈസ്തവ വിഭാഗത്തിന് വേണ്ടി ശബ്ദിക്കാൻ ആളില്ലാത്തതും ഈ സമൂഹം നേരിടുന്ന മറ്റൊരു വെല്ലുവിളിയാണെന്നും അദ്ദേഹം പറഞ്ഞു .പരിവർത്തിത സമൂഹത്തിൻ്റെ ആത്മാഭിമാനത്തെ വൃണപ്പെടുത്തുന്നതിനെ തിരെ ശബ്ദമുയർത്തണമെന്നും അദ്ദേഹം പറഞ്ഞു.ഇന്ത്യൻ ചർച്ച് വരേണ്യവർഗ്ഗത്തിൻ്റേതാണന്ന ധാരണ മൗഢ്യമാണന്നും അദ്ദേഹം പറഞ്ഞു .
സംസ്ഥാന പ്രസിഡൻ്റ് റവ.പി സി ജോസഫ് അധ്യക്ഷനായി.പ്രമോഷണൽ സെക്രട്ടറി ജേക്കബ് ജോസഫ്,റവ.ജോയിസ് ജോൺ, ഫാദർ ഷിജു മാതു, പാസ്റ്റർ സാക് ജോൺ, ഡേവിഡ് പി.പായിപ്പാട്, അച്ചാമ്മ പൗലോസ് എന്നിവർ പ്രസംഗിച്ചു.
