മാറ്റണം,മേയർ എംകെ വർഗീസിനെതിരെ നിലപാട് കടുപ്പിച്ച് സിപിഐ

Advertisement

തൃശൂര്‍.ലോക്സഭ തെരഞ്ഞെടുപ്പ് പരാജയത്തിൽ തൃശൂർ മേയർ എംകെ വർഗീസിനെതിരെ നിലപാട് കടുപ്പിച്ച് സിപിഐ. എം കെ വർഗീസിനെ മേയർ സ്ഥാനത്തുനിന്ന് മാറ്റണമെന്ന് ആവശ്യത്തിൽ ഉറച്ചുനിൽക്കാൻ തീരുമാനം. എൽഡിഎഫ് നേതൃത്വത്തോട് മാറ്റണമെന്ന ആവശ്യം സിപിഐ ഔദ്യോഗികമായി അറിയിച്ചു. എൽഡിഎഫ് യോഗത്തിൽ വിഷയം ചർച്ചയാക്കാനാണ് സിപിഐ തീരുമാനം. എം കെ വർഗീസ് ബിജെപി സ്ഥാനാർഥിക്കായി വോട്ടു പിടിച്ചെന്ന് ആരോപിച്ച് വിഎസ് സുനിൽകുമാർ രംഗത്ത് എത്തിയതും പാർട്ടി തീരുമാനത്തിന്റെ പുറത്താണ്. ലോക്സഭ തെരഞ്ഞെടുപ്പിൽ തനിക്കുവേണ്ടി മേയർ പ്രവർത്തിച്ചില്ലെന്നും ബിജെപി സ്ഥാനാർത്ഥിക്ക് വേണ്ടി പ്രവർത്തിച്ചുവെന്നും വിഎസ് സുനിൽകുമാർ പറഞ്ഞു. അതേസമയം മേയർക്കെതിരായ സിപിഐ അതൃപ്തി രാഷ്ട്രീയമായി ഉപയോഗിക്കാനുള്ള നീക്കത്തിലാണ് കോൺഗ്രസ്.