ആലപ്പുഴ .അരൂർ-തുറവൂർ ദേശീയപാതയിലെ ദുരിതയാത്രയ്ക്ക് പരിഹാരമാകുന്നു. ഗതാഗത ക്രമീകരണങ്ങൾ ഏർപ്പെടുന്നതിന് നടപടികൾ ആരംഭിച്ചതായി ആലപ്പുഴ ജില്ലാ കളക്ടർ അലക്സ് വർഗീസ് പറഞ്ഞു.
വാഹനങ്ങൾ വഴി തിരിച്ചു വിട്ടാണ് ആദ്യഘട്ടത്തിൽ ക്രമീകരണം ഒരുക്കുന്നത്.
വലിയ വാഹനങ്ങൾ അരൂർ തുറവൂർ ദേശീയ പാത വഴി വരാൻ അനുവദിക്കില്ല. ദേശീയപാതയ്ക്ക് കിഴക്കും പടിഞ്ഞാറുമായി സമാന്തര റോഡിലൂടെ വാഹനങ്ങൾ കടത്തിവിടും. ഇതിനായി ഗതാഗത കുരുക്ക് ഉണ്ടാക്കാതെ റെയിൽവേ ഗേറ്റിൽ അടക്കം ക്രമീകരണങ്ങൾ ഏർപ്പെടുത്തും.
![](https://i0.wp.com/www.newsatnet.com/wp-content/uploads/2024/07/AROOR-ROAD.jpg?resize=696%2C390&ssl=1)
ശനി, ഞായർ ദിവസങ്ങളിൽ റോഡ് അടച്ചിട്ട് മറു ഭാഗത്തെ കുഴികൾ കൂടി കോൺക്രീറ്റ് ചെയ്ത് അടയ്ക്കും.
ഓടകൾ നിർമ്മിക്കാൻ റോഡ് അടച്ചിടേണ്ടി വരും.
മേൽപാത നിർമ്മാണം കഴിഞ്ഞ ശേഷം മാത്രമേ ഓട നിർമ്മിക്കാനാകൂ. രണ്ടുതവണ സ്ഥലം സന്ദർശിച്ചുവെന്നും വരും ദിവസങ്ങളിൽ വീണ്ടും സന്ദർശനം നടത്തി വേണ്ട മാറ്റങ്ങൾ വരുത്തുമെന്നും വിവരങ്ങൾ അപ്പപ്പോൾ ഹൈക്കോടതി അറിയിക്കുന്നുഉണ്ടെന്നും ജില്ലാ കളക്ടർ പറഞ്ഞു