കോഴിക്കോട്. പെർണം റെയിൽവേ തുരങ്കത്തിലെ മണ്ണിടിച്ചിലെ തുടർന്ന് ട്രെയിനുകൾ വൈകി ഓടുന്നത് തുടരുന്നു. കേരളത്തിൽ നിന്നും സർവീസ് ആരംഭിക്കുന്നതും അവസാനിപ്പിക്കുന്നതുമായ 6 ട്രെയിനുകൾ പുനക്രമീകരിച്ചു.
കൊങ്കൺ പാതയിലെ പെർണം റെയിൽവേ തുരങ്കത്തിലാണ് കനത്ത മഴക്കിടെ കഴിഞ്ഞ ദിവസം മണ്ണിടിഞ്ഞത്. ഇവ നീക്കം ചെയ്തെങ്കിലും ട്രെയിൻ ഗതാഗതം സാധാരണ നിലയിൽ ആയിട്ടില്ല. കഴിഞ്ഞ 3 ദിവസമായി ദീർഘ ദൂര ട്രെയിനുകൾ വൈകി ഓടുന്നു.
16346 നേത്രാവതി എക്സ്പ്രസ് 15 മണിക്കൂർ വൈകി നാളെ പുലർച്ചെ 1 മണിക്കാകും പുറപ്പെടുക. 22114 കൊച്ചുവേളി – ലോകമാന്യതിലക് എക്സ്പ്രസ് 39 മണിക്കൂർ വൈകി ഓടുകയാണ്. 12522 രപ്തിസാഗർ എക്സ്പ്രസ് 12 മണിക്കൂർ വൈകി ഇന്ന് രാത്രി 11 മണിക്കാകും പുറപ്പെടും. 16335 ഗാന്ധിധാം – നാഗർകോവിൽ എക്സ്പ്രസ് 12 മണിക്കൂർ വൈകി രാത്രി 11.10 ന് പുറപ്പെടും. 22149 എറണാകുളം – പൂനെ പൂർണ എക്സ്പ്രസ് ഇന്ന് രാത്രി 10.30 നാകും പുറപ്പെടുക. 20931 കൊച്ചുവേളി – ഇൻഡോർ എക്സ്പ്രസ് 6 മണിക്കൂർ 35 മിനിറ്റ് വൈകി ഓടുകയാണ്. ദിവസങ്ങളായി തുടരുന്ന നിയന്ത്രണം ദീർഘ ദൂര യാത്രക്കാരെയാണ് ഏറെ വലക്കുന്നത്.
