Advertisement
തിരുവനന്തപുരം: മാലിന്യ മലകൾക്കിടയിൽ ആമയിഴഞ്ചാന്‍ തോട്ടില്‍ കാണാതായ ജോയിക്കായി ഇന്ന് വീണ്ടും തിരച്ചിൽ പുനരാരംഭിക്കും. നാവിക സേനയുടെ മുങ്ങൽ വിദഗ്ധർ ഇന്ന് ദൗത്യത്തിൽ പങ്കെടുക്കും.
ഫയർഫോഴ്സിൻ്റെ സ്കൂബ സംഘവും എൻ ഡിആർ എഫ് സംഘവും രക്ഷാ ദൗത്യത്തിൽ ഒപ്പമുണ്ട്. സ്ഥലത്ത് പരിശോധന നടക്കുന്നു. എല്ലാ ആധുനിക സാങ്കേതിക വിദ്യയും ഉപയോഗപ്പെടുത്തും. അസ്സിസ്റ്റൻ്റ് കളക്ടർ രാവിലെ സ്ഥലത്തെത്തിയിട്ടുണ്ട്.
തമ്പാനൂര്‍ റെയില്‍വേ സ്റ്റേഷനടുത്ത് ആമയിഴഞ്ചാന്‍ തോട്ടിലെ മാലിന്യങ്ങള്‍ വൃത്തിയാക്കുന്നതിനിടെയാണ് ശനിയാഴ്ചയാണ് ജോയിയെ ഒഴുക്കില്‍പ്പെട്ട് കാണാതായത്. മൂന്നു പേരാണ് ശുചീകരണത്തിനായി തോട്ടില്‍ ഇറങ്ങിയത്. മഴ കനത്തതോടെ ജോയി ഒഴുക്കില്‍ പെടുകയായിരുന്നു. മാരായമുട്ടം സ്വദേശിയാണ് റെയില്‍വേയുടെ താല്‍ക്കാലിക തൊഴിലാളിയായ ജോയി.
Advertisement
