Advertisement
ഇടുക്കി. ചിന്നക്കനാലിൽ കാട്ടാന ആക്രമണത്തിൽ ആദിവാസി മരിച്ചു. ടാങ്ക് കുടി സ്വദേശി കണ്ണൻ (47) ആണ് മരിച്ചത്. കൃഷിയിടത്തിൽ എത്തിയ കാട്ടാനക്കൂട്ടത്തെ തുരത്തുന്നതിനിടയിൽ വൈകിട്ട് അഞ്ചരയോടെയാണ് സംഭവം. കണ്ണനെ തട്ടിയിട്ട ശേഷം ആന ചവിട്ടുകയായിരുന്നു. 9 പിടിയാനകൾ അടങ്ങിയ കാട്ടാന കൂട്ടമാണ് ആക്രമിച്ചത്. നിലവിളി കേട്ട് ഓടിയെത്തിയ നാട്ടുകാർ കാട്ടാനയേ തുരത്തിയശേഷം കണ്ണനെ ആശുപത്രിയിലേക്ക് കൊണ്ടുപോയി. എന്നാൽ ആശുപത്രിയിലേക്കുള്ള യാത്രാമധ്യേ മരിച്ചു. മൃതദേഹം അടിമാലി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു നൽകും. സംഭവത്തിൽ നാട്ടുകാരുടെ പ്രതിഷേധത്തിനും സാധ്യതയുണ്ട്. ഇടുക്കിയിൽ ഈ വർഷം ഇതുവരെ ആറു പേരാണ് കാട്ടാന ആക്രമണത്തിൽ കൊല്ലപ്പെട്ടത്.
Advertisement
