Advertisement
കിളിമാനൂര്‍: മഴക്കുഴില്‍ വീണ് രണ്ട് വയസുകാരിക്ക് ദാരുണാന്ത്യം. കിളിമാനൂര്‍ അടയമണ്‍ വയ്യാറ്റിന്‍കര വെള്ളാരംകുന്ന് വീട്ടില്‍ രാജീവ്-വര്‍ഷ ദമ്പതികളുടെ മകള്‍ രൂപ രാജീവ് ആണ് മരിച്ചത്.
ഇന്നലെ വൈകിട്ട് ആറ് മണിയോടെയാണ് സംഭവം. രൂപ വീടിന് പുറക് വശത്ത് സഹോദരനൊപ്പം കളിച്ചു കൊണ്ടിരിക്കുകയായിരുന്നു. ഇതിനിടയില്‍ രൂപയെ കാണാതാവുകയായിരുന്നു. തുടര്‍ന്ന് മൂത്ത കുട്ടി അമ്മയെ വിവരം അറിയിക്കുകയും ഇവര്‍ നടത്തിയ തെരച്ചിലില്‍ വീടിന് പുറക് വശത്തെ മഴക്കുഴിയില്‍ രൂപയെ കാണുകയായിരുന്നു.
കഴിഞ്ഞ ദിവസം നിര്‍ത്താതെയുള്ള മഴയില്‍ കുഴി വെള്ളം കൊണ്ട് നിറഞ്ഞിരുന്നു. കടയ്ക്കല്‍ താലൂക്ക് ആശുപത്രിയില്‍ എത്തിച്ചങ്കിലും ജീവന്‍ രക്ഷിക്കാനായില്ല. മൃതദേഹം മോര്‍ച്ചറിയില്‍. കിളിമാനൂര്‍ പോലീസ് കേസെടുത്തു. ഇന്ന് തുടര്‍നടപടികള്‍ നടക്കും. സഹോദരന്‍: ജീവ രാജീവ് (അങ്കണവാടി വിദ്യാര്‍ത്ഥി).
Advertisement