Advertisement
തിരുവനന്തപുരം: വയനാട്ടിലെ മുണ്ടക്കൈ ,ചൂരൽമല എന്നിവിടങ്ങളിലെ ഉരുൾപൊട്ടലിൽ വൈദ്യസഹായവുമായി സാൽവേഷൻ ആർമിയും രംഗത്ത്. അവശ്യമരുന്നുകളുമായി കവടിയാറിൽ നിന്ന് വയനാട് കളക്ട്രേറ്റിലേക്ക് പുറപ്പെട്ട ആംബുലൻസിൻ്റെ യാത്ര മുഖ്യ കാര്യദർശി ലെഫ്.കേണൽ ഗുർണ്ണം മസി ഫ്ലാഗ് ഓഫ് ചെയ്തു.
വനിതാ ശുശ്രൂഷകളുടെ സംസ്ഥാന പ്രസിഡൻറ് കേണൽ രത്നസുന്ദരി പൊളി മെറ്റ്ല പ്രാർത്ഥന നടത്തി. പേഴ്സണൽ സെക്രട്ടറി ലെഫ്.കേണൽ സജൂഡാനിയേൽ, പ്രോഗ്രാം സെക്രട്ടറി ലെഫ്.കേണൽ എൻ ഡി ജോഷ്വാ, എസ് ബിഎ ലെഫ്.കേണൽ സി ജെ ബെന്നി മോൻ, പബ്ളിക്ക് റിലേഷൻസ് സെക്രട്ടറി മേജർ റ്റി.ഇ.സ്റ്റീഫൻസൺ തുടങ്ങിയവർ പങ്കെടുത്തു.സംസ്ഥാന യൂത്ത് സെക്രട്ടറി ക്യാപ്റ്റൻ അജേഷ് കുമാർ ജോസഫ് പ്രവർത്തനങ്ങൾ ഏകോപിപ്പിക്കും.
Advertisement
