കൊച്ചി. ദുരിതമനുഭവിക്കുന്ന വയനാടിന് കൈത്താങ്ങായി സിനിമാലോകവും.
മുഖ്യമന്ത്രിയുടെ ദുരിതാശ്വാസ നിധിയിലേക്ക് മമ്മൂട്ടിയും ദുൽഖർ സൽമാനും ചേർന്ന 35 ലക്ഷം രൂപ സംഭാവന നൽകി.ദുരിതാശ്വാസ സഹായവുമായി എറണാകുളത്തുനിന്ന് വയനാട്ടിലേക്കുള്ള ആദ്യ വാഹനം മമ്മൂട്ടി ഫ്ലാഗ് ഓഫ് ചെയ്തു
സമാനതകളില്ലാത്ത മഹാദുരന്തം നേരിടുന്ന വയനാടിന് സഹായഹസ്തവുമായി നിരവധി പേരാണ് രംഗത്ത് എത്തിയിരിക്കുന്നത്.മമ്മൂട്ടി 20 ലക്ഷം രൂപയും ദുൽഖർ സൽമാൻ 15 ലക്ഷം രൂപയുമാണ് ദുരിതാശ്വാസ നിധിയിലേക്ക് നൽകിയത്.വയനാട്ടിലേക്കുള്ള ദുരിതാശ്വാസ സാമഗ്രികൾ ശേഖരിക്കുന്ന കൊച്ചി കടവന്ത്രയിലെ ഇൻഡോർ സ്റ്റേഡിയത്തിലെത്തിയ മമ്മൂട്ടി മന്ത്രി പി രാജീവിന് തുക കൈമാറി.
ദുരിതാശ്വാസ ക്യാമ്പുകളിൽ കഴിയുന്നവർക്കായി എറണാകുളം
ജില്ലാ ഭരണകൂടവും അൻപോട് കൊച്ചിയും ചേർന്ന സമാഹരിച്ച സാമഗ്രികൾ വഹിച്ചുകൊണ്ടുള്ള ആദ്യ വാഹനം മമ്മൂട്ടി ഫ്ലാഗ് ഓഫ് ചെയ്തു.സഹായസ്തവുമായി വയനാടിനൊപ്പം ഉണ്ടാകണമെന്ന് നടൻ ഇന്ദ്രജിത്ത് ആവശ്യപ്പെട്ടു
