Advertisement
ശാസ്താംകോട്ട: വയനാടിന് വേണ്ടി കൈകോര്‍ക്കാന്‍ ശാസ്താംകോട്ട ബ്രൂക്ക് ഇന്റര്‍നാഷണല്‍ സ്‌കൂളിലെ വിദ്യാര്‍ത്ഥികളും. സ്‌കൂളിലെ ഇക്കൊല്ലത്തെ സ്വാതന്ത്ര്യദിനാഘോഷങ്ങള്‍ പരിമിതപ്പെടുത്തി മിച്ചം വരുന്ന തുകയും വിദ്യാര്‍ത്ഥികളുടെയും രക്ഷിതാക്കളുടെയും സഹായവും സ്വീകരിച്ച് വയനാട്ടിലെ ഭവന പദ്ധതിയില്‍ പങ്കാളികളാകുന്നു.
വയനാട്ടിലെ മലങ്കര കത്തോലിക്ക സഭയുടെ ബത്തേരി രൂപതയ്ക്ക് കീഴിലുള്ള ശ്രേയസ് എന്ന സന്നദ്ധ സംഘനടയുടെ ഭവന പദ്ധതിയിലാണ് ബ്രൂക്ക് സ്‌കൂളും പങ്കാളികളാകുക. ഒരു വീടെങ്കിലും ബ്രൂക്കിലെ കുട്ടികളുടെ തുക കൊണ്ട് പണി കഴിപ്പിക്കുകയാണ് ലക്ഷ്യം.
Advertisement
