വ്യാജ ഫേസ്ബുക്ക് കാമുകന് വേണ്ടി ഉപേക്ഷിച്ച നവജാത ശിശു മരിച്ചു; അമ്മയ്ക്ക് 10 വർഷം തടവ്

Advertisement

കൊല്ലം :കല്ലുവാതുക്കലിൽ കരിയിലക്കൂട്ടത്തിൽ ഉപേക്ഷിച്ച നവജാത ശിശു മരിച്ച കേസിൽ അമ്മയ്ക്ക് 10 വർഷം തടവും അമ്പതിനായിരം രൂപ പിഴയും ശിക്ഷ. കല്ലുവാതുക്കൽ ഈഴായ്‌ക്കോട് പേഴുവിളവീട്ടിൽ രേഷ്മയെയാണ്(25) കൊല്ലം ഫസ്റ്റ് അഡീഷണൽ കോടതി ശിക്ഷിച്ചത്.
2021 ജനുവരി അഞ്ചിന് രാവിലെയാണ് സംഭവം. ജനിത്ത് അധിക സമയമാകാത്ത ആൺകുഞ്ഞിനെയാണ് പൊക്കിൾക്കൊടി പോലും മുറിച്ച് മാറ്റാതെ രേഷ്മയുടെ വീടിന് പിന്നിലെ റബർ തോട്ടത്തിൽ ഉപേക്ഷിച്ച നിലയിൽ കണ്ടെത്തിയത്. അവശനിലയിലായ കുഞ്ഞിനെ ആശുപത്രിയിൽ എത്തിച്ചെങ്കിലും മരണം സംഭവിച്ചു