Advertisement
പത്തനംതിട്ട: പ്രതിപക്ഷ നേതാവിനോട് ചോദ്യം ചോദിച്ച കൈരളി ടീ വി റിപ്പോർട്ടർ സുജു ടി ബാബുവിന് നേരെയുണ്ടായ കോൺഗ്രസ് പ്രവർത്തകരുടെ കയ്യേറ്റ ശ്രമത്തിൽ പത്രപ്രവർത്തക യൂണിയൻ (കെയുഡബ്ല്യുജെ) പത്തനംതിട്ട ജില്ലാ ഘടകം പ്രതിഷേധിച്ചു. സ്വതന്ത്ര മാധ്യമ പ്രവർത്തനത്തിന് നേരെയുണ്ടാകുന്ന ഇത്തരത്തിലുള്ള വെല്ലുവിളികൾ ജനാധിപത്യ വ്യവസ്ഥ നിലനിൽക്കുന്ന നാടിന് ചേർന്നതല്ല. രാഷ്ട്രീയ നേതാക്കളോട് ചോദ്യങ്ങൾ ചോദിക്കുക എന്നത് മാധ്യമ പ്രവർത്തനത്തിൻ്റെ ഭാഗമാണ്. അതിനെ കൈയ്യൂക്ക് കൊണ്ട് നേരിടാനുള്ള ശ്രമം അപലനീയമാണ്. കോൺഗ്രസ് പ്രവർത്തകരുടെ അപക്വമായ പെരുമാറ്റത്തിൽ ശക്തമായി പ്രതിഷേധിക്കുന്നതായി കെയുഡബ്ല്യുജെ ജില്ലാ പ്രസിഡൻ്റ് സജിത് പരമേശ്വരനും സെകട്ടറി എ ബിജുവും അറിയിച്ചു.
Advertisement
