തിരുവനന്തപുരം . കാട്ടാക്കടയിൽ..അഞ്ച് എസ് ഡി പി ഐ പ്രവർത്തകരും രണ്ട് ഡി വൈ എഫ് ഐ പ്രവർത്തകരുമാണ് പിടിയിലായത്. അക്രമണത്തിന് പിന്നിൽ മുൻവൈരാഗ്യമെന്ന് പോലീസ്.
.
തിങ്കളാഴ്ച രാത്രി 9.30ഓടെയാണ് സി.പി.എം ഓഫീസിനുനേരെ ആക്രമണമുണ്ടായത്. ഇരുചക്ര വാഹനങ്ങളിലെത്തിയ ഇരുപതംഗ സംഘം ഓഫീസ് ആക്രമിക്കുകയും ഓഫീസിനു പുറത്തുനിന്ന പ്രവർത്തകർക്കുനേരെ വാൾ വീശിയെന്നും സി പി എം പോലീസിൽ പരാതി നൽകിയിരുന്നു.സംഭവത്തിൽ ഏഴുപേരെയാണ് ഇന്ന് രാവിലെ പോലീസ് അറസ്റ്റ് ചെയ്തത്.
എസ്ഡിപിഐ പ്രവർത്തകരായ ഹാജ, നിഷാദ്,അൽ അമീൻ, മുനീർ,അൽ അമീൻ എന്നിവരും ഡിവൈഎഫ്ഐ പ്രവർത്തകരായ അമൽ, അഖിൽ എന്നിവരുമാണ് അറസ്റ്റിലായത്.ആക്രമണത്തിൽ നാലു പേർ പരിക്കേറ്റ് ചികിത്സയിലാണ്.സംഭവം രാഷ്ട്രീയപ്രേരിതമാണോ എന്ന് അന്വേഷിച്ചു കണ്ടെത്തണമെന്ന് പൊലീസ് പറഞ്ഞു. സി.സി.ടി.വി ദൃശ്യങ്ങൾ ശേഖരിച്ചുവരികയാണെന്നും പൊലീസ് അറിയിച്ചു. കിള്ളിയിലെ ടർഫിൽ വച്ച് നേരത്തെയുണ്ടായ സംഘർഷത്തിന്റെ ബാക്കിയെന്നോണമാണ് ഇന്നലത്തെ അക്രമമെന്നാണ് പോലീസിന് ലഭിച്ച സൂചന.ആക്രമണത്തിനു പിന്നിൽ വർഗീയതാൽപര്യമെന്ന് സി.പി.എം വ്യക്തമാക്കി. പങ്കില്ലെന്ന് എസ്.ഡി.പി.ഐയും പ്രതികരിച്ചു.