Advertisement
സ്വകാര്യതയെ ബാധിക്കുന്ന ഭാഗം ഒഴികെ പുറത്ത് വിടാമെന്ന് ഹൈക്കോടതി
കൊച്ചി. ഹേമ കമ്മിറ്റി നൽകിയ റിപ്പോർട്ടിൽ സ്വകാര്യതയെ ബാധിക്കുന്ന ഭാഗം ഒഴികെ പുറത്ത് വിടാമെന്ന് ഹൈക്കോടതി.റിപ്പോർട്ട് പുറത്തുവിടരുതന്ന് ആവശ്യപ്പെട്ട് നിർമാതാവ് സജിമോൻ പാറയിൽ നൽകിയ ഹർജി തള്ളികൊണ്ടാണ് ഹൈക്കോടതി ഇന്ന് വിധി പറഞ്ഞത്.ജസ്റ്റിസ് വിജി അരുണിന്റെ ബെഞ്ച് ഉച്ചയ്ക്ക് രണ്ടുമണിക്കാണ് വിധി പറഞ്ഞത്.
റിപ്പോർട്ട് സ്വകാര്യതയിലേക്കുള്ള കടന്നു കയറ്റം എന്നായിരുന്നു ഹർജിക്കാരന്റെ വാദം. വ്യക്തിപരമായ പരാമർശങ്ങൾ ഒഴിവാക്കി റിപ്പോർട്ട് പ്രസിദ്ധീകരിക്കാമെന്ന് നിലപാടാണ് സാംസ്കാരിക വകുപ്പും, വിവരാവകാശ കമ്മീഷനും കോടതിയിൽ സ്വീകരിച്ചത്.
വിമൻ ഇൻ കളക്ടീവും വനിതാ കമ്മീഷനും ഹർജിയിൽ കക്ഷി ചേർന്നിരുന്നു.
Advertisement
