സംസ്ഥാനത്ത് വിവിധ വാഹനാപകടങ്ങളിൽ അഞ്ചു മരണം. തൃശ്ശൂരും കോഴിക്കോടും രണ്ടുപേർ വീതവും പാലക്കാട് ഒരാളുമാണ് മരിച്ചത്. കോഴിക്കോട് വടകരയിൽ പോലീസ് ബസ് ഇടിച്ചു പണിക്കോട്ടി സ്വദേശി
അസൈനാർ ആണ് മരിച്ചത്.
കോഴിക്കോട് വടകര എസ്പി ഓഫീസിന് സമീപം 11 മണിയോടെ ആയിരുന്നു പോലീസ് ബസ് ഇടിച്ച് വയോധികൻ തൽക്ഷണം മരിച്ചത്. ദേശീയപാതയിൽ അശ്രദ്ധമായി റോഡ് മുറിച്ചു കിടക്കവേ ബസ് ഇടിക്കുകയായിരുന്നു. വടകര പണിക്കോട്ടി സ്വദേശി കുനിങ്ങാട്ട് അസൈനാർ ( 62 ) ആണ് മരിച്ചത്. കോഴിക്കോട് കുന്ദമംഗലം പടനിലത്ത് ബൈക്കും കാറും കൂട്ടിയിടിച്ച്
പുതുപ്പാടി ഈങ്ങാപ്പുഴ സ്വദേശി നാജിയയാണ് മരിച്ചത്. തൃശൂർ എരുമപ്പെട്ടി വാഹനാപകടത്തിൽ ചിറപ്പുറം സ്വദേശികളായ പ്രവീണും ആനന്ദനുമാണ് മരിച്ചത്.
മഞ്ഞൂരിൽ ഇന്നലെ രാത്രി ഇരുചക്ര വാഹനങ്ങൾ കൂട്ടിയിടിച്ചായിരുന്നു അപകടം.
പാലക്കാട് കൂനത്തറയിൽ ലോറിയും ബൈക്കും കൂട്ടിയിടിച്ച് കീഴൂർ റോഡ് സ്വദേശിയായ അഫ്സലിനും ജീവൻ നഷ്ടമായി .
