മലപ്പുറം. എസ്.പിയെ വേദിയിലിയിരുത്തി രൂക്ഷമായി വിമർശിച്ച് പി.വി.അൻവർ എം.എൽ.എ.മലപ്പുറം ജില്ലയിൽ സേനയിൽ ഉണ്ടായ സ്ഥലം മാറ്റത്തിൽ ഇടപെട്ടപ്പോൾ കഞ്ചാവ് കച്ചവടക്കാരുമായി ചില പൊലീസ് ഉദ്യോഗസ്ഥർക്ക് ബന്ധമുണ്ടെന്ന് ഉന്നത പൊലീസ് ഉദ്യോഗസ്ഥൻ പറഞ്ഞതായി അദ്ദേഹം തുറന്നടിച്ചു. പരിപാടിയിൽ പങ്കെടുക്കാൻ എസ്.പി വൈകി എത്തിയതിനേയും എം.എൽ.എ വിമർശിച്ചു. അൻവറിന്റെ പരാമർശങ്ങൾക്കു പിന്നാലെ മുഖ്യപ്രാസംഗികനായ എസ്.പി ഒറ്റവരിയിൽ പ്രസംഗം അവസാനിപ്പിച്ചു വേദി വിട്ടു.
പൊലീസ് അസോസിയേഷൻ മലപ്പുറം ജില്ലാ സമ്മേളനത്തിലാണ് എസ്പിയെ വേദിയിലിരുത്തി പിവി അൻവറിന്റെ പരസ്യ വിമർശനം.ജില്ലയിൽ സാധാരണ പൊലീസുകാരെ മനുഷ്യത്വപരമായി സ്ഥലം മാറ്റി.വിഷയത്തിൽ ഇടപെട്ടപ്പോൾ കഞ്ചാവ് കച്ചവടക്കാരുമായി പൊലീസ് ഉദ്യോഗസ്ഥർക്ക് ബന്ധമുണ്ടെന്നാണ് ഉന്നത പൊലീസ് ഉദ്യോഹസ്ഥൻ പറഞ്ഞത്
തന്റെ പാർക്കിലെ രണ്ടായിരത്തിലധികം ഭാരം വരുന്ന റോപ്പ് മോഷണം പോയി എട്ട് മാസം കഴിഞ്ഞിട്ടും പ്രതിയെ പിടിക്കാനായില്ല.വിഷയം തെളിവ് സഹിതം നിയസഭയിൽ അവതരിപ്പിക്കും എന്നും പിവി അൻവർ
പൊലീസിലെ ഇത്തരം പുഴുക്കുത്തുകൾ സർക്കാരിന് ചീത്തപ്പേരുണ്ടാക്കുന്നു എന്നും പിവി അൻവർ പറഞ്ഞു.പരിപാടിയുടെ മുഖ്യ പ്രാസംഗികനായിരുന്ന മലപ്പുറം എസ്പി എസ് ശശിധരൻ ഐപിഎസ് ഒറ്റവരിയിൽ പ്രസംഗം അവസാനിപ്പിച്ച് മടങ്ങി
