കൊച്ചി. ഹേമാ കമ്മിറ്റി റിപ്പോർട്ട് പുറത്തുവന്നതിന് പിന്നാലെ തുടർ നടപടിയെന്തെന്ന് ഗൗരവതരമായ ആലോചന തുടങ്ങി WCC. ഇന്ന് ചേരുന്ന യോഗത്തിൽ നിയമനടപടിയെ കുറിച്ച് ചർച്ച ചെയ്യും. അതിനിടെ ഗൗരവമുള്ള വെളിപ്പെടുത്തൽ പുറത്ത് വന്നിട്ടും സർക്കാരിൻറെ ഭാഗത്ത് നിന്ന് ഉത്തരവാദിത്തമുള്ള ഒരു പ്രതികരണവുമുണ്ടായില്ലെന്ന് വനിത ചലച്ചിത്ര പ്രവർത്തകർ വിമർശിച്ചു.
റിപ്പോർട്ടിൻറെ വെളിച്ചത്തിൽ സമാന്തര നിയമനടപടിയുമായി മുന്നോട്ടുപോകണോ എന്നാലോചിക്കാനാണ് WCC യോഗം. ഓൺലൈനായാണ് യോഗം ചേരുന്നത്. എന്നാൽ നിയമനടപടി ആവശ്യമില്ല എന്ന് WCCയിലെ ചില അംഗങ്ങൾ ഇതിനോടകം പ്രതികരിച്ചിട്ടുണ്ട്. അതേസമയം ഗുരുതര ലൈംഗിക അത്രികമം അടക്കമുള്ള വിവരങ്ങൾ പുറത്തുവന്നിട്ടും ലാഘവത്തോടെയുള്ള സാസ്കാരിക മന്ത്രിയുടെ പ്രതികരണത്തിനെതിരെ ചലച്ചിത്ര പ്രവർത്തകർ രംഗത്തെത്തി.
റിപ്പോർട്ടിൽ വിമർശിക്കുന്ന WCC സ്ഥാപക അംഗത്തിനെതിരെ ഒരു പ്രതികരണവും അംഗങ്ങൾ ഇതുവരെ നടത്തിയിട്ടില്ല. എന്നാൽ യോഗത്തിൽ ഈ കാര്യം ചർച്ചായേക്കും.
