Advertisement
കുന്നംകുളം:സ്പാ സെന്ററിന്റെ മറവിൽ പെൺവാണിഭം നടത്തിയെന്ന കേസിൽ രണ്ട് പേർ അറസ്റ്റിൽ. സ്ഥാപനം നടത്തുന്ന കറുകപ്പുത്തൂർ ചാഴിയാട്ടിരി പുലാമന്തോൾ വളപ്പിൽ അബി സലീത്ത് (33), റിസപ്ഷനിസ്റ്റ് ഷൊർണൂർ കല്ലിപ്പാടം വാഴയിൽ വിഷ്ണു (22) എന്നിവരാണ് പിടിയിലായത്.
കേന്ദ്രത്തിന്റെ ലൈസൻസി കണ്ണൂർ മുണ്ടയാംപറമ്പിൽ രതീഷിനെതിരെ കേസെടുത്ത പൊലീസ് ഇയാളെ കണ്ടെത്താൻ അന്വേഷണം തുടങ്ങി.
പട്ടണത്തിൽ സബ് ട്രഷറി റോഡിലെ ലിവ ടവർ എന്ന ലോഡ്ജിൽ മുറി വാടകയ്ക്കെടുത്താണ് മസാജ് സെന്റർ നടത്തിയിരുന്നത്. നഗരസഭയിൽ നിന്ന് മസാജ് സെന്ററിന്റെ ലൈസൻസ് നേടിയ ശേഷമാണ് മാസങ്ങൾക്ക് മുൻപ് സ്ഥാപനം തുറന്നതെന്നാണ് വിവരം. ഇവിടെ അനാശാസ്യവും നടത്തുന്നുവെന്ന് പൊലീസിന് വിവരം ലഭിച്ചതിനെ തുടർന്നാണ് റെയ്ഡ് നടത്തിയത്.
Advertisement
