വ്യത്യസ്ത വാഹനാപകടങ്ങളിൽ തിരുവനന്തപുരം നെടുമങ്ങാട് രണ്ട് മരണം

Advertisement

തിരുവനന്തപുരം. വ്യത്യസ്ത വാഹനാപകടങ്ങളിൽ തിരുവനന്തപുരം നെടുമങ്ങാട് രണ്ട് മരണം.നെടുമങ്ങാട് ആനാട് KSRTC ബസ് കയറി ഇറങ്ങി സൈക്കിൾ യാത്രികന് ദാരുണാന്ത്യം. കോലിയക്കോട് സ്വദേശി ബാബു (67) ആണ് മരിച്ചത്. സൈക്കിൾ തെന്നി റോഡിലേക്ക് വീണതിന് പിന്നാലെയാണ് അപകടം. സംഭവം വൈകിട്ട് മൂന്ന് മണിക്ക്. നെടുമങ്ങാട് നേട്ടറച്ചിറയില് ഇരുചക്രവാഹനവും ടിപ്പറും കൂട്ടിയിട്ട് അപകടം. അപകടത്തിൽ വീട്ടമ്മ മരിച്ചു

നെടുമങ്ങാട് പഴകുറ്റി സ്വദേശി ശശികല ദേവി (54) ആണ് മരിച്ചത്. സംഭവം വൈകിട്ട് ആറു മണിക്ക്. ടിപ്പർ ഓവർടേക്ക് ചെയ്യുന്നതിനിടെയാണ് അപകടം. റോഡിലേക്ക് തെറിച്ചുവീണ ശശികലയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭർത്താവ് പ്രവീൺകുമാർ ആണ് വാഹനം ഓടിച്ചിരുന്നത്. കാലിന് പരിക്കേറ്റ പ്രവീൺകുമാർ ചികിത്സയിൽ