ബൈക്ക് ഫുട്പാത്തിൽ ഇടിച്ച് യാത്രക്കാരന് ​ഗുരുതര പരിക്ക്

Advertisement

കോഴിക്കോട്: എളേറ്റിൽ വട്ടോളിയിൽ ബെക്ക് നിയന്ത്രണം വിട്ട് ഫൂട്പാത്തിൽ ഇടിച്ച് യാത്രക്കാരന് ഗുരുതര പരുക്ക്. നരിക്കുനി – പൂനൂർ റോഡിൽ എളേറ്റിൽ വട്ടോളി അങ്ങാടിയിലായിരുന്നു അപകടം. റോഡിലെ ഹമ്പ് കയറുമ്പോഴാണ് ബൈക്ക് നിയന്ത്രണം വിട്ടത്. ഇന്ന് ഉച്ചക്ക് രണ്ടര മണിയോടെയായിരുന്നു സംഭവം.

മുന്നോട്ടുനീങ്ങിയ ബൈക്ക് ഫുട്പാത്തിലും കൈവരിയിലുമായി ഇടിക്കുകയായിരുന്നു. സാരമായി പരുക്കേറ്റ യാത്രക്കാരനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അപകടത്തിന്റെ ദൃശ്യങ്ങൾ സി സി ടി വി ക്യാമറയിൽ പതിഞ്ഞിട്ടുണ്ട്.