Advertisement
കോഴിക്കോട്. റോഡിൽ അഭ്യാസപ്രകടനം നടത്തി വിവാഹ സംഘത്തിലെ കാർ യാത്രികർ . നാദാപുരത്താണ് മറ്റ് യാത്രക്കാർക്ക് കാഴ്ച മറച്ചു കൊണ്ട് അപകടകരമായ രീതിയിൽ വർണ പുക വിതറി കാർ ഓടിച്ചത്
വിവാഹ സംഘത്തിലെ മൂന്ന് കാറുകളിലെ യാത്രക്കാരുടേതാണ് ഈ അപകട യാത്ര. നാദാപുരം ആവോലത്ത് തുടങ്ങി പാറക്കടവ് വരെ അഞ്ചുകിലോമീറ്റർ ദൂരമാണ് മറ്റ് യാത്രക്കാരുടെ ജീവന് പോലും ഭീഷണിയായി വാഹനം ഓടിച്ചത് വർണ്ണ പുക കാറിൽ നിന്ന് പുറത്തേക്ക് വിതറുകയായിരുന്നു
മാത്രമല്ല കാറിൽ നിന്ന് കമ്പിത്തിരി കത്തിക്കുകയും ചെയ്തതായി പറയുന്നു. മറ്റ് വാഹനങ്ങൾക്ക് കടന്നുപോകാൻ കഴിയാത്തവിധം റോഡിൽ കാറോടിക്കുകയായിരുന്നു . പുറത്തുവിട്ട വർണ പുക യാത്രക്കാർക്ക് ശാരീരിക അസ്വസ്ഥതകൾക്കും കാരണമായി . ഇതിനാൽ മറ്റ് വാഹനങ്ങൾ ഏറെ നേരം റോഡിൽ നിർത്തിയിടേണ്ടി വന്നു
Advertisement
