കോഴിക്കോട്. കൊമ്മേരി യിൽ മഞ്ഞപ്പിത്തം വ്യാപിക്കുന്നു. 28 ൽ അധികം പേർക്ക് രോഗം സ്ഥിരീകരിച്ചു ഒരാളുടെ നില ഗുരുതരം . കോഴിക്കോട് കോർപറേഷൻ നടത്തിയ പരിശോധനയിൽ പ്രദേശത്തെ കുടിവെള്ളത്തിൽ ഇ കോളി ബാക്ടീരിയയുടെ സാന്നിധ്യം കൂടുതലാണെന്ന കണ്ടെത്തിയിരുന്നു അതേ സമയം പ്രതിരോധ പ്രവർത്തനം ഊർജിതമാക്കിയതായി കോർപറേഷൻ ആരോഗ്യ വിഭാഗം വ്യക്തമാക്കി.
കോഴിക്കോട് കോർപറേഷൻ പരിധിയിലെ കൊമ്മേരി എരവത്ത് കുന്നിലാണ് മഞ്ഞപ്പിത്തം വ്യാപിക്കുന്നത്. നിലവിൽ 28 ൽ അധികം പേർക്ക് രോഗമുണ്ട്. ചികിൽസയിലുള്ള ഒരു യുവതിയുടെ ആരോഗ്യ നില ഗുരുതരമാണ് . രോഗം വ്യാപിക്കുന്നതിലുള്ള ആശങ്കയിലാണ് പ്രദേശവാസികൾ
പ്രദേശത്തെ കുടിവെള്ള സാംപിൾ കോർപറേഷൻ പരിശോധനയ്ക്ക് അയച്ചിരുന്നു. കുടിവെള്ളസ്രോതസിൽ ഇ കോളി ബാക്ടീരിയയുടെ സാന്നിധ്യം കൂടുതല്ലെന്നാണ് പരിശോധനാ ഫലം. സ്ഥിതി വിലയിരുത്താനായി കോർപറേഷൻ ആരോഗ്യ വിഭാഗം പ്രത്യേക യോഗം ചേർന്നു.വീടുകൾ കയറി ബോധവൽക്കരണം നടത്താനും തീരുമാനിച്ചു
