മലപ്പുറം: പരാതിക്കാരിയെ ഉന്നത പോലീസ് ഉദ്യോഗസ്ഥർ ബലാത്സംഗം ചെയ്തു എന്നാരോപണം ഉന്നയിച്ച വീട്ടമ്മയ്ക്കെതിരെ പരാതി നൽകുമെന്ന് ആരോപണ വിധേയനായ ഡിവൈഎസ്പി പി വി ബെന്നി പറഞ്ഞു.
വീട്ടമ്മയുടെ പീഡന ആരോപണത്തിന് പിന്നിൽ മുട്ടിൽ മരം മുറി കേസ് അന്വേഷിക്കുന്നതിലെ വിരോധമാണെന്നും, വാർത്തക്ക് പിന്നിൽ ഗൂഢ ലക്ഷ്യങ്ങൾ ഉണ്ടെന്നും നിയമപരമായി നേരിടുമെന്നും മുൻ എസ് പി സുജിത് ദാസും ഡിവൈഎസ്പി വി വി ബെന്നിയും സിഐ വിനോദ് വലിയാട്ടൂരും പറഞ്ഞു.മൂന്ന് പേരും ലൈംഗീകമായി ഉപദ്രവിച്ചെന്നായിരുന്നു വീട്ടമ്മയുടെ പരാതി.
മുൻ മലപ്പുറം എസ്പി എസ് സുജിത് ദാസ് ഐപിഎസ് ,ഡിവൈഎസ്പി വിവി ബെന്നി ,എസ്എച്ചഒ വിനോദ് മലയാറ്റൂർ എന്നിവർ ലൈംഗീകമായി പീഡിപ്പിച്ചെന്നായിരുന്നു വീട്ടമ്മയുടെ വെളിപ്പെടുത്തൽ.
ആരോപണത്തിന് പിന്നിൽ വ്യക്തി വൈരാഗ്യമാണ് എന്ന് വിവി ബെന്നി പ്രതികരിച്ചു. വാർത്ത ആദ്യം നൽകിയ ചാനലിന്റെ ഉടമകളാണ് ആരോപണത്തിന് പിന്നിൽ ,മുട്ടിൽ മരംമുറി കേസിലെ വൈരാഗ്യമാണ് കാരണമെന്നും വിവി ബെന്നി പറഞ്ഞു
തനിക്കെതിരെയുള്ളത് വ്യാജപരാതിയെന്ന് സിഐ വിനോദ് വലിയാട്ടൂരും പ്രതികരിച്ചു.
