തിരുവനന്തപുരം:അതീവ അപകടാവസ്ഥയിൽ നിലനിൽക്കുന്ന മുല്ലപ്പെരിയാർ അണക്കെട്ട് ഡീ-കമ്മീഷൻ ചെയ്ത് പുതിയ കരാറും അണക്കെട്ടും നിർമ്മിക്കണമെന്ന് കൊടിക്കുന്നിൽ സുരേഷ് എം.പി ആവശ്യപ്പെട്ടു.ഇന്ത്യൻ ആന്റി കറപ്ഷൻ മിഷൻ നേതൃത്വത്തിൽ നടത്തിയ രാജഭവൻ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം.50 വർഷ കാലാവധി നിർണയിക്കപ്പെട്ട അണക്കെട്ട് 129 വർഷം പിന്നിടുമ്പോഴും സംസ്ഥാനങ്ങൾ തമ്മിലുള്ള തർക്കത്തിന്റെ പേരിൽ തീരുമാനം നീണ്ടു പോവുകയാണ്.തമിഴ്നാട് ജനതയ്ക്കിടയിൽ നിലനിൽക്കുന്ന തെറ്റിദ്ധാരണയാണ് വിഷയങ്ങൾ രൂക്ഷമാക്കുന്നത്.ഡാമിന്റെ ഡീ-കമ്മീഷനിങ്ങിനായി പാർലമെന്റിൽ വിഷയം ഉന്നയിക്കുമെന്നും അദ്ദേഹം പറഞ്ഞു.സംസ്ഥാന പ്രസിഡന്റ് ഷിബു .കെ.തമ്പി അധ്യക്ഷത വഹിച്ചു.സംസ്ഥാന ജനറൽ സെക്രട്ടറി ശ്രീകുമാർ,ദേശീയ പ്രസിഡന്റ് അഡ്വ.ഡോ.രാജീവ് രാജധാനി,ചെയർമാൻ പി.ആർ.വി നായർ,കെ.പി ചന്ദ്രൻ,സന്തോഷ് കൃഷ്ണൻ, എ.എം റെജിമോൻ, ലളിതാരാജ്,ഇ.മനീഷ്,അഡ്വ.സ്മിത സന്തോഷ് എന്നിവർ സംസാരിച്ചു. മാർച്ചിന് രാജു ചേർത്തല,ഗിരിജ ചന്ദ്രശേഖരൻ,സുജിത് കുമാർ,സണ്ണി പൗലോസ്,ആത്മാനന്ദൻ,പി ആർ വിനയൻ,കോശി ജോർജ്, പുഷ്പൻ, വിപിൻ ചന്ദ്രൻ തോപ്പിൽ,രാജേഷ് എന്നിവർ നേതൃത്വം നൽകി.
