മലപ്പുറം. കരാട്ടെ ക്ലാസിന്റെ മറവിൽ ലൈംഗിക പീഡനം നടത്തിയ പ്രതിക്കെതിരെ കാപ്പ ചുമത്തി പോലീസ്. മലപ്പുറം വാഴക്കാട് സ്വദേശി സിദ്ദിഖ് അലിക്കെതിരെയാണ് കാപ്പ ചുമത്തിയത്. സിദ്ധിഖ് അലി ഇപ്പോൾ ജയിലിലാണ്.
എടവണ്ണപ്പാറ ഹയർസെക്കൻഡറി സ്കൂളിൽ പഠിച്ചിരുന്ന വിദ്യാർത്ഥിനിയെ ചാലിയാറിൽ മരിച്ച നിലയിൽ കണ്ടെത്തിയതോടെയാണ് ഒരു കരാട്ടെ അധ്യാപകൻ തൻറെ ശിഷ്യരോട് ചെയ്ത കൊടും ക്രൂരതയുടെ കഥകൾ പുറത്തറിയുന്നത്. കരാട്ടെ അധ്യാപകനായിരുന്ന സിദ്ദിഖ് അലിക്കെതിരെ മരിച്ച പെൺകുട്ടിയുടെ കുടുംബം രംഗത്തുവന്നു. ദുരൂഹത ഇപ്പോഴും സംശയിക്കുന്നു. ഇയാളുടെ ലൈംഗിക അതിക്രമത്തിന് കരാട്ടെ ക്ലാസിലെ പ്രായപൂർത്തിയാകാത്ത ഒട്ടേറെ പെൺകുട്ടികൾ ഇരയായിട്ടുണ്ട്. 17 വയസ്സുകാരിയെ മരിച്ച നിലയിൽ കണ്ടെത്തിയ സംഭവത്തിൽ പോക്സോ കുറ്റം ചുമത്തി സിദ്ദിഖലിയെ പോലീസ് അറസ്റ്റ് ചെയ്തിരുന്നു. ഈ ലൈംഗിക പീഡനക്കേസിൽ ജയിലിൽ കഴിഞ്ഞു വരവേയാണ് പോലീസ് കാപ്പ ചുമത്തിയിരിക്കുന്നത്.
