പാലക്കാട്. അട്ടപ്പാടിയില്‍ ഒരുദിവസം മാത്രം പ്രായമുളള കുഞ്ഞ് മരിച്ച സംഭവത്തില്‍ പ്രതിഷേധവുമായി ബന്ധുക്കള്‍,കോട്ടത്തറ ആശുപത്രിയില്‍ നിന്ന് മതിയായ ചികിത്സ കിട്ടിയില്ലെന്ന് പറഞ്ഞ് മൃതദേഹവുമായാണ് ആശുപത്രിയുടെ മുന്‍പില്‍ പ്രതിഷേധിച്ചത്,ആശുപത്രി അതികൃതരുമായി നടത്തിയ ചര്‍ച്ചയെ തുടര്‍ന്ന് പ്രതിഷേധം അവസാനിപ്പിച്ചു
മേലെ മുള്ളി ഊരിലെ ശാന്തി മരുതന്റെ ഒരു ദിവസം പ്രായമായ പെണ്‍കുഞ്ഞാണ് കോയമ്പത്തൂരില്‍ വെച്ച് മരിച്ചത്,ഇന്നലെ കോട്ടത്തറ ട്രൈബല്‍ താലൂക്ക് ആശുപത്രിയില്‍ വെച്ച് കുഞ്ഞിനെ ശസ്ത്രക്രിയയിലൂടെ പുറത്തെടുക്കുകയായിരിന്നു.ശ്വാസമെടുക്കാന്‍ കഴിയാതിരുന്ന കുഞ്ഞിനെ പിന്നീട് വിദഗ്ദ ചികിത്സക്കായാണ് കോയമ്പത്തൂരിലേക്ക് മാറ്റിയത്,ആദ്യം പ്രവേശിപ്പിച്ച കോട്ടത്തറയില്‍ നിന്ന് മതിയായ ചികിത്സ കിട്ടിയില്ലെന്നും സ്‌കാനിംഗില്‍ അടക്കം ഒന്നും കണ്ടെത്തിയില്ലെന്നും ആരോപിച്ചാണ് ബന്ധുക്കള്‍ ആശുപത്രിക്ക് മുന്നിലിരുന്ന് പ്രതിഷേധിച്ചത്
ആശുപത്രി അതികൃതരുമായി നടത്തിയ ചര്‍ച്ചയെതുടര്‍ന്ന് പിന്നീട് പ്രതിഷേധം അവസാനിപ്പിച്ചു
