മലപ്പുറം. എടവണ്ണയിൽ യുവാവ് അയൽവാസികളെ കുത്തി പരിക്കേൽപ്പിച്ചത് സംശയ രോഗത്തെ തുടർന്ന് . പത്തപ്പിരിയം സ്വദേശികളായ തേജസിനും ജേഷ്ഠൻ രാഹുലിനു മാണ് കുത്തേറ്റത്. പ്രതി മോങ്ങം സ്വദേശി എബിനേഷിനെ പോലീസ് കസ്റ്റഡിയിലെടുത്തു.
ഭാര്യയുമായി അയൽവാസിക്ക് ബന്ധമുണ്ടെന്ന് സംശയരോഗമാണ് പ്രതിയുടെ പരാക്രമത്തിന് കാരണം. ഇന്ന് രാവിലെ എട്ടുമണിയോടെ നാല്പതുകാരൻ എബിനേഷ് വീടിനു മുന്നിൽവെച്ച് 27 വയസ്സുകാരനായ തേജസിനെയും ജേഷ്ഠൻ രാഹുലിനെയും കുത്തുകയായിരുന്നു. തേജസിന്റെ വീട്ടിലെത്തിയ പ്രതി നല്ല രീതിയിൽ സംസാരിക്കുകയും തേജസിനെ കെട്ടിപ്പിടിക്കുകയും ചെയ്തു. പിന്നീട് അരയിൽ നിന്ന് കത്തിയൂരി അപ്രതീക്ഷിതമായി ആക്രമിക്കുകയായിരുന്നു. തടയാൻ വന്ന രാഹുലിനും കുത്തേറ്റു. ഇരുവരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ലെന്നാണ് അറിയുന്നത്. എബിനേഷിനെ എടവണ്ണ പോലീസ് കസ്റ്റഡിയിൽ എടുത്തു. ഇയാളെ ചോദ്യം ചെയ്തശേഷം അറസ്റ്റ് രേഖപ്പെടുത്തും.മുൻപ് വഴക്ക് നടന്നിട്ടുള്ളതായി പോലീസ് അറിയിച്ചു.
