Advertisement
തിരുവനന്തപുരം . സംസ്ഥാന പോലീസ് മേധാവി ശുപാർശ ചെയ്തിട്ടും എഡിജിപി എം ആർ അജിത് കുമാറിനെതിരെ അന്വേഷണം ആരംഭിക്കാതെ വിജിലൻസ്. അവധിയിലുള്ള വിജിലൻസ് ഡയറക്ടർ തിരിച്ചെത്തിയ ശേഷം നടപടിക്രമങ്ങൾ തുടങ്ങിയാൽ മതിയെന്നാണ് നിലവിലെ തീരുമാനം. ആരോപണവിഷയങ്ങളിൽ പരിശോധനനടത്തി കഴമ്പുണ്ടെന്നുകണ്ടാൽ പ്രാഥമികാന്വേഷണത്തിന് സർക്കാർ അനുമതിതേടും.
അനധികൃത സ്വത്തുസമ്പാദനം, ബന്ധുക്കളുടെപേരിൽ സ്വത്ത് സമ്പാദിക്കൽ, വൻതുകനൽകി കവടിയാറിൽ ഭൂമിവാങ്ങി, കേസ് ഒതുക്കുന്നതിനാൽ ഒന്നരക്കോടി രൂപ കൈക്കൂലിവാങ്ങി തുടങ്ങിയ ആരോപണങ്ങൾ ആയിരിക്കും വിജിലൻസ് പരിശോധിക്കുക.
Advertisement
