കൊച്ചി. മരോട്ടിച്ചോടിൽ പ്രവീൺ എന്ന യുവാവിനെ കൊലപെടുത്തിയ കേസിൽ
കൊല്ലം സ്വദേശി സമീർ പിടിയിൽ. മദ്യപാനത്തെ തുടർന്നുണ്ടായ തർക്കമാണ് കൊലപാതകത്തിലേക്ക് നയിച്ചത്. കാക്കനാട് ഇന്നലെ രാത്രി ഉണ്ടായ സംഘർഷത്തിൽ രണ്ടുപേർക്ക് വെട്ടേറ്റു.
കൊല്ലപ്പെട്ട പ്രവീണും – പ്രതി സമീറും തമ്മിൽ മുൻപരിചയമുണ്ട്. ഉത്രാട ദിനത്തിൽ ഇരുവരും ഒരുമിച്ചിരുന്നു മദ്യപിച്ചു. ഇതിനിടയിൽ ഉണ്ടായ തർക്കമാണ് കൊലപാതകത്തിലേക്ക് നയിച്ചത്. പ്രവീണിന്റെ ശരീരത്തിൽ മുറിപ്പാടുകൾ ഉണ്ടായിരുന്നു. CCTV അടക്കം കേന്ദ്രികരിച്ച് പോലീസ് നടത്തിയ അന്വേഷണത്തിലാണ് കൊല്ലം സ്വദേശി സമീറിനെ തൃപ്പൂണിത്തുറയിൽ നിന്നും പിടികൂടിയത്. മറ്റൊരാൾ കൂടി കസ്റ്റഡിയിലുണ്ട്.
തിരുവോണം ദിനത്തിൽ കൊച്ചി കാക്കനാടും സംഘർഷം ഉണ്ടായി.
കാക്കനാട് കണ്ണങ്കേരി സ്വദേശി പ്രദീപിനെയാണ് വെട്ടിക്കൊലപ്പെടുത്താൻ ശ്രമിച്ചത്.
കഴുത്തിനു വെട്ടേറ്റ പ്രദീപിന്റെ നില ഗുരുതരമാണ്. മുൻ വൈരാഗ്യമാണ് അക്രമണത്തിന് കാരണം.പ്രദീപിനെ ആക്രമിക്കുന്നതിനിടെ പ്രതിയായ രഞ്ജിത്തിനും വെട്ടേറ്റു. രഞ്ജിത്ത് നിരവധി കേസുകളിൽ പ്രതിയാണെന്നും പൊലീസ് പറഞ്ഞു.ഇരുവരും ആശുപത്രിയിലാണ്. കേസിൽ പ്രതിയായ മറ്റൊരാൾ ഒളിവിലാണ്.
