Advertisement
കാസറഗോഡ്. കാഞ്ഞങ്ങാട് ഭാര്യയ്ക്കും രണ്ട് മക്കൾക്കും വിഷം നൽകി ഗൃഹനാഥൻ തൂങ്ങി മരിച്ചു. മടിക്കൈ പൂത്തക്കൽ സ്വദേശി വിജയൻ (51) ആണ് മരിച്ചത്. ഇന്നലെ രാത്രി പത്ത് മണിയോടെ വിജയൻ ഭക്ഷണത്തിൽ വിഷം കലർത്തിയെന്നാണ് പോലീസ് നൽകുന്ന വിവരം. വിഷം ഉള്ളിൽ ചെന്ന നിലയിൽ കണ്ടെത്തിയ വിജയന്റെ ഭാര്യ ലക്ഷ്മി, മക്കളായ ലയന, വിശാൽ എന്നിവർ മംഗലാപുരം കെ എസ് ആശുപത്രിയിൽ ചികിത്സയിലാണ്. ഉറങ്ങാൻ കിടന്ന ലക്ഷ്മിക്കും മക്കൾക്കും വയറു വേദന അനുഭവപ്പെടുകയായിരുന്നു. ഇവരുടെ നിലവിളി കേട്ടെത്തിയ അയൽവാസികളാണ് വിജയനെ വീടിന് പിറകിലെ പറമ്പിൽ തൂങ്ങിയ നിലയിൽ കണ്ടെത്തിയത്. വിജയന് സാമ്പത്തിക ബാധ്യത ഉണ്ടെന്നാണ് വിവരം
Advertisement
