മദ്യപിച്ചു നാട്ടുകാരെ അസഭ്യം വിളിച്ചത് വിലക്കിയതിന് മര്‍ദ്ദനമേറ്റ വയോധികന്‍ മരിച്ചു

Advertisement

തിരുവനന്തപുരം. നെയ്യാറ്റിൻകര, പാലിയോടിൽ വയോധികനെ വീട്ടിൽ കയറി മൂന്നു പേർ മർദ്ദിച്ചു അവശനാക്കിയ സംഭവത്തിൽ ചികിത്സയിലായിരുന്ന വയോധികൻ മരിച്ചു.

പാലിയോട്, ആഴാംകുളം സ്വദേശിയായ തപസി മുത്ത് (72) ആണ് മെഡിക്കൽ കോളേജിൽ ചികിത്സയിലിരിക്കെയാണ് അന്ത്യം.

കഴിഞ്ഞ 16ന് വൈകിട്ട് സഹോദരങ്ങളായ മൂന്നു പേർ മദ്യപിച്ചു നാട്ടുകാരെ അസഭ്യം വിളിച്ചത് സമീപത്ത് വീട്ടുകാരനായ തപസി മുത്ത് വിലക്കിയിരുന്നു. ഇതിൽ പ്രകോപിതനായ സഹോദരങ്ങൾ തപസി മുത്തിനെ വീട്ടിൽ കയറി മർദിച്ചു അവശനാക്കിയിരുന്നു.

സംഭവുമായി പാലിയോട് ആഴാംകുളം സ്വദേശികളായ അനിൽ ,ബോബൻ എന്നു വിളിക്കുന്ന രഞ്ജിത്ത്, ബിജു എന്നീ സഹോദരങ്ങളെ മാരായമുട്ടം പോലിസ് അറസ്റ്റു ചെയ്ത് റിമാൻഡ് ചെയ്തിരിക്കുകയാണ്.

Advertisement