കോട്ടയം. നഗരസഭയിലെ പെൻഷൻ തട്ടിപ്പ്, നടത്തിയ പ്രതിയെ സഹായിച്ച ആൾ പിടിയിൽ. കൊല്ലം സ്വദേശി ശ്യാംകുമാറാണ് അറസ്റ്റിലായത്. പ്രതിയായ അഖിൽ സി വർഗീസിനെ ഒളിവിൽ കഴിയാൻ ഇയാൾ സഹായിച്ചു എന്നാണ് കണ്ടത്തൽ.
നഗരസഭയിലെ പെൻഷൻ ഫണ്ട് തട്ടിപ്പ് വിഷയത്തിൽ സെക്രട്ടറിയെ സർവിസിൽനിന്ന് മാറ്റിനിർത്തി അന്വേഷണം നടത്തണമെന്ന് തദ്ദേശ ഭരണ ജില്ല ജോയന്റ് ഡയറക്‌ടർ ശിപാർശ ചെയ്തു. പ്രിൻസിപ്പൽ ഡയറക്‌ടർക്ക് കൈമാറിയ റിപ്പോർട്ടിൽ ഉടൻ നടപടിയുണ്ടാകും. തട്ടിപ്പ് നടത്തിയ മുൻ ജീവനക്കാരൻ അഖിൽ സി. വർഗീസിനുപുറമെ ഡെപ്യൂട്ടി സെക്രട്ടറി ഫില്ലിസ് ഫെലിക്‌സ്, അക്കൗണ്ട്സ് വിഭാഗം സൂപ്രണ്ട് എസ്.കെ. ശ്യാം, അക്കൗണ്ട്സ് വിഭാഗത്തിലെ സീനിയർ ക്ലർക്ക് വി.ജി. സന്തോഷ് കുമാർ, പെൻഷൻ വിഭാഗം കൈകാര്യം ചെയ്‌തിരുന്ന കെ.ജി. ബിന്ദു എന്നിവർ നിലവിൽ അന്വേഷണവിധേയമായി സസ്പെൻഷനിലാണ്. നിലവിലെ സെക്രട്ടറി 2023 ഏപ്രിലിലാണ് കോട്ടയം നഗരസഭയിലെത്തിയത്.
