തിരുവനന്തപുരം. പുനർഗേഹം പദ്ധതിയിൽ തിരുവനന്തപുരം മുട്ടത്തറയിൽ ഫ്ലാറ്റ് നിർമ്മാണം അന്തിമഘട്ടത്തിൽ. മത്സ്യത്തൊഴിലാളികൾക്കായി 81 കോടി രൂപ ചിലവിൽ 400 ഫ്ളാറ്റുകളാണ് മുട്ടത്തറയിൽ നിർമ്മിക്കുന്നത്. വർഷാവസാനത്തോടെ നിർമ്മാണം പൂർത്തിയാക്കുമെന്നും 2025 ഫെബ്രുവരിയിൽ മത്സ്യത്തൊഴിലാളികൾക്ക് കൈമാറാൻ കഴിയുമെന്നും മന്ത്രി സജി ചെറിയാൻ പറഞ്ഞു.
മുട്ടത്തറയിലെ ഫ്ലാറ്റുകളുടെ നിർമ്മാണം അടുത്ത വര്ഷം പൂർത്തിയാക്കാനാണ് ഫിഷറീസ് വകുപ്പ് ലക്ഷ്യമിട്ടിരുന്നത് . പ്രവർത്തനങ്ങൾ വേഗത്തിലായതോടെ ഈ വര്ഷം ഡിസംബറിൽ തന്നെ നിർമ്മാണം പൂർത്തിയാകും. റോഡ് അടക്കമുള്ള അടിസ്ഥാന സൗകര്യങ്ങൾ കൂടി പൂർത്തിയായാൽ അടുത്ത വര്ഷം ആദ്യം തന്നെ മത്സ്യത്തൊഴിലാളികൾക്ക് ഫ്ളാറ്ററുകൾ കൈമാറുമെന്ന് നിർമ്മാണ പ്രവർത്തനങ്ങൾ വിലയിരുത്താൻ എത്തിയ ഫിഷറീസ് മന്ത്രി സജി ചെറിയാൻ.
UDF സർക്കാരിന്റെ കാലത്താണ് മത്സ്യത്തൊഴിലാളികൾക്ക് വീടുകൾ നഷ്ടപ്പെട്ടത്. വീടുനഷ്ടപ്പെട്ടവർക്ക് അവർ സഹായം ചെയ്തില്ല എന്നും LDF സർക്കാരാണ് വീടുകൾ വെച്ച് നൽകുന്നതെന്നും മന്ത്രി പറഞ്ഞു. തിരുവനന്തപുരം ജില്ലയിലെ മത്സ്യത്തൊഴിലാളികൾക്കാണ് മുട്ടത്തറയിൽ 400 ഫ്ളാറ്ററുകൾ നിർമ്മിക്കുന്നത്.
