അർജുൻ്റെ ഭൗതികാവശിഷ്ടം നാട്ടിലെത്തിക്കുന്നത് വൈകും

Advertisement

അംഗോള. ഷിരൂരിൽ തിരച്ചിലിനൊടുവിൽ കണ്ടെത്തിയ അർജുൻ്റെ മൃതദേഹത്തിൻ്റെ ഡിഎന്‍എ പരിശോധനാ ഫലം ഇന്ന് വന്നേക്കില്ല . പരമാവധി നാളെ ഫലം ലഭ്യമാക്കാനുള്ള ശ്രമമാണ് നടക്കുന്നതെന്നാണ് ജില്ലാ ഭരണകൂടത്തിൽ നിന്ന് ലഭിക്കുന്ന സൂചന . സാമ്പിൾ മംലാപുരത്തെ ലാബിൽ എത്തിക്കുന്നതിൽ വന്ന താമസമാണ് ഫലം വൈകാൻ കാരണം. പോസ്റ്റ് മോർട്ടം നടപടി പൂർത്തിയാക്കിയിട്ടുണ്ട്. ഡിഎന്‍എ ഫലം ലഭ്യമായാൽ കോഴിക്കോടേക്ക് കൊണ്ടു പോവാനുള്ള സൗകര്യങ്ങളെല്ലാം തയ്യാറാണ്. നാട്ടിലേക്കുള്ള യാത്രയിൽ കർണാടക പൊലീസിൻ്റെ അകമ്പടി ഉണ്ടാവും. മുഴുവൻ ചെലവും വഹിക്കുമെന്ന് കർണാടക സർക്കാരും അറിയിച്ചിട്ടുണ്ട്. അതേസമയം മണ്ണിടിച്ചിലിൽ കാണാതായ ലോകേഷ്, ജഗന്നാഥ് എന്നിവർക്കായുള്ള തിരിച്ചിൽ ഗംഗാവലിപ്പുഴയിൽ ഇന്നും തുടരും.