Advertisement
വയനാട് .കൽപ്പറ്റ നഗരസഭയിലെ പെരുന്തട്ട മേഖല പുലി ഭീതിയിൽ. നിരവധി വളർത്തു മൃഗങ്ങളെ ആക്രമിച്ച പുള്ളിപ്പുലി ഇന്നലെ പകൽ സമയത്തും പ്രദേശത്തെത്തി.
പെരുന്തട്ട ക്രഷറിനു സമീപത്തെ പാറപ്പുറത്താണ് വൈകീട്ട് 5 മണിയോടെ പുലിയെ കണ്ടത്. ഒരു മണിക്കൂറോളം പുലി ഇവിടെ കിടന്നു. കഴിഞ്ഞ ദിവസംമേയാൻ വിട്ട പശുവിനെ കൊന്ന് തിന്നുകയും പശുക്കിടാവിനെ ആക്രമിക്കുകയും
ചെയ്തിരുന്നു.. അബു താഹിറിന്റെ പശുവിനെയാണ് കൊന്ന് തിന്നത്.. മേയാൻ വിട്ട പശുവിനെ കാണാതായതിനെ തുടർന്ന് തിരച്ചിൽ നടത്തിയപ്പോഴാണ് ജഡാവശിഷ്ടം കണ്ടെത്തിയത്. തൂണിക്കടവൻ അബ്ദുല്ലയുടെ പശുക്കിടാവിനെ പുലി ആക്രമിച്ച് പരിക്കേൽപ്പിച്ചു.. വനം വകുപ്പുദ്യോഗസ്ഥർ പ്രദേശത്ത് പരിശോധന നടത്തി. ജഡാവശിഷ്ടത്തിന് സമീപം ക്യാമറയും സ്ഥാപിച്ചു.
Advertisement
