കാണാതായ വിദ്യാഭ്യാസ വകുപ്പ് ഉദ്യോഗസ്ഥൻ പുഴയിൽ മരിച്ച നിലയിൽ; അമിത ജോലിഭാരം നേരിട്ടിരുന്നെന്ന് കുടുംബം

Advertisement

വൈക്കം: കാണാതായ വൈക്കം വിദ്യാഭ്യാസ വകുപ്പ് ഓഫിസ് സീനിയർ സൂപ്രണ്ടിന്റെ മൃതദേഹം കണ്ടെത്തി. വൈക്കം അക്കരപ്പാടത്ത് മൂവാറ്റുപുഴയാറിന്റെ കൈവഴിയിലാണ് മൃതദേഹം കണ്ടെത്തിയത്. സീനിയർ സൂപ്രണ്ടായ കുലശേഖരമംഗലം സ്വദേശി ശ്യാം കുമാറാണ് മരിച്ചത്.

വൈക്കം പൊലീസ് സ്ഥലത്തെത്തി മൃതദേഹം കരയ്ക്ക് കയറ്റി. അമിത ജോലിഭാരം നേരിട്ടിരുന്നെന്ന് കുടുംബം പരാതിയിൽ പറഞ്ഞിരുന്നു. വൈക്കത്ത് എഇഒയുടെ ചുമതല വഹിച്ചിരുന്നത് ശ്യാംകുമാർ ആയിരുന്നു.