കോഴിക്കോട്. കുറ്റ്യാടി പുഴയിലെ കൈതേരി മുക്കിൽ രണ്ട് കുട്ടികൾ മുങ്ങി മരിച്ചു.
പാറക്കടവ് സ്വദേശികളായ റിസ്വാൻ, സിനാൻ , എന്നിവരാണ് മരിച്ചത്.
ടർഫിൽ കളിക്കാൻ വന്ന ശേഷം കുളിക്കാൻ ഇറങ്ങിയപ്പോഴാണ് സംഭവം.
ഇന്ന് ഉച്ചയോടെയാണ് കുറ്റ്യാടി പുഴയിലെ കൈതേരി മുക്കിൽ നാലു വിദ്യാർത്ഥികൾ കുളിക്കാൻ എത്തിയത്. ഇതിനിടെയാണ് രണ്ടുപേർ ഒഴുക്കിൽപ്പെടുന്നത്. ഒപ്പം ഉണ്ടായിരുന്ന രണ്ടു പേർ നാട്ടുകാരെ വിവരമറിയിച്ചതോടെ നാട്ടുകാരും ഫയർഫോഴ്സും തിരച്ചിൽ നടത്തി. രക്ഷാപ്രവർത്തനത്തിനൊടുവിലാണ് രണ്ടുപേരുടെ മൃതദേഹം കണ്ടെത്തിയത്.
പാറക്കടവ് സ്വദേശികളായ റിസ്വാൻ (14), സിനാൻ (13) എന്നിവരാണ് മരിച്ചത്. ഇരുവരും
കുറ്റ്യാടി ഗവ ഹൈസ്ക്കൂളിലെ പത്താം ക്ലാസ് വിദ്യാർത്ഥികളാണ്. ഇന്ന് അവധി ദിനം ആയതിനാൽ വിദ്യാർത്ഥികൾ ടർഫിൽ കളിക്കാൻ വന്നതായിരുന്നു. ഇതിനിടെയാണ് പുഴയിൽ കുളിക്കാൻ ഇറങ്ങിയത് എന്നാണ് നിഗമനം. പോസ്റ്റ് നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടു നൽകും.
