തിരുവനന്തപുരം.സിപിഐഎം മുൻ സംസ്ഥാന സെക്രട്ടറി കോടിയേരി ബാലകൃഷ്ണന്റെ രണ്ടാം ചരമ വാർഷിക ദിനത്തിൽ ആദരമർപ്പിച്ച് നാട്. വീട്ടിൽ സ്ഥാപിച്ച കോടിയേരിയുടെ വെങ്കല പ്രതിമ മുഖ്യമന്ത്രി പിണറായി വിജയൻ അനാച്ഛാദനം ചെയ്തു. കോടിയേരിയെ ഇനിയും വിവാദങ്ങളിലേക്ക് വലിച്ചിഴയ്ക്കരുതെന്ന് അന്ത്യയാത്രാ വിവാദത്തെക്കുറിച്ചുള്ള ചോദ്യത്തോട് ഭാര്യ വിനോദിനി ബാലകൃഷ്ണൻ പ്രതികരിച്ചു.
പ്രതിസന്ധികളിൽ ഉലയാതിരുന്ന ചിരി നിറച്ച നേതൃ ചാതുരിയുടെ കോടിയേരിക്കാലം മരിക്കാത്ത ഓർമ്മ. പയ്യാമ്പലത്തെ സ്മൃതി കുടീരത്തിൽ പുഷ്പാർച്ചന, അനുസ്മരണയോഗം. നേതാക്കളും നൂറുകണക്കിന് പ്രവർത്തകരും കോടിയേരിയുടെ കുടുംബവും പങ്കെടുത്തു.
ഏതു വിഷയത്തിലും കോടിയേരിക്ക് മാത്രം സ്വന്തമായ ശൈലി ഉണ്ടായിരുന്നുവെന്ന്‌ അനുസ്മരിച്ച് എം വി ഗോവിന്ദൻ. പാർട്ടിക്ക് നികത്താനാകാത്ത വിടവ്.
വീട്ടിൽ സ്ഥാപിച്ച കോടിയേരിയുടെ അർധകായ വെങ്കല പ്രതിമ മുഖ്യമന്ത്രി പിണറായി വിജയൻ അനാച്ഛാദനം ചെയ്തു.
