Advertisement
കൊച്ചി. എറണാകുളം അങ്കമാലി അതിരൂപത കുർബ്ബാന തർക്കത്തിൽ പ്രതിഷേധം കടുപ്പിക്കാൻ അൽമായ മുന്നേറ്റം. ഡീക്കൻമാർക്ക് തിരുപട്ടം നൽകുന്നില്ലെന്നാരോപിച്ച് ദിവസങ്ങളായി വിശ്വാസികളും വൈദികരും എറണാകുളം ബിഷപ്പ് ഹൗസിൽ പ്രതിഷേധിച്ച് വരികയാണ്.വരുന്ന ഞായറാഴ്ച ഡീക്കന്മാർ അവരവരുടെ ഇടവകകളിൽ സമരം ചെയ്യും.തിരുപട്ടം ലഭിക്കുന്നതുവരെ സമരം ചെയ്യാനാണ് തീരുമാനം.
അതെ സമയം,ബിഷപ്പ് ഹൗസ് പ്രതിഷേധത്തിനെതിരെ സിറോ മലബാർ സഭ രംഗത്തെത്തിയിരുന്നു.സ്വന്തം സഭയെ തകർക്കാനുള്ള നിഗൂഢ ശ്രമം എന്നായിരുന്നു സിറോ മലബാർ സഭയുടെ വിമർശനം.ഈ പശ്ചാത്തലത്തിലാണ് പ്രതിഷേധ പരിപാടികൾ ശക്തമാക്കാനുള്ള അൽമായ മുന്നേറ്റത്തിൻ്റെ തീരുമാനം.
