കൊല്ലം . സി പി ഐ എമ്മിലെ പ്രായപരിധി തീരുമാനത്തിൽ കടുത്ത വിമർശനവുമായി മുതിർന്ന നേതാവ് ജി സുധാകരൻ.പ്രായപരിധി തീരുമാനം ഇരുമ്പുലയ്ക്ക അല്ല .പ്രായപരിധി നിയന്ത്രണം ഇഎംഎസിൻ്റെയും എകെജിയുടെയും
കാലത്തായിരുന്നെങ്കിൽ എന്താകും അവസ്ഥയെന്നും സുധാകരൻ്റെ പരിഹാസം.
കൊല്ലത്ത് എസ് എൻ ട്രസ്റ്റ് സംഘടിപ്പിച്ച റിട്ടേഡ് അധ്യാപകരുടെ യോഗം ഉദ്ഘാടനം ചെയ്യുമ്പോഴായിരുന്നു പാർട്ടി നേതൃത്വത്തെ ലക്ഷ്യം വെച്ചുള്ള ജി സുധാകരൻ്റെ വിമർശനങ്ങൾ. പ്രായപരിധി തീരുമാനം ഇരുമ്പുലയ്ക്കയല്ലെന്ന് പറഞ്ഞ സുധാകരൻ 75 ആം വയസ്സിൽ വിരമിക്കണമെന്ന് കമ്മ്യൂണിസ്റ്റ് പാർട്ടിയിൽ പറഞ്ഞിട്ടില്ലെന്നും കൂട്ടിച്ചേർത്തു.
പ്രത്യേക സാചര്യത്തിൽ പ്രായപരിധി കൊണ്ടുവന്നു. തങ്ങൾ അത് അംഗീകരിച്ചു.പ്രായപരിധി പാർട്ടിയ്ക്ക് ഗുണമായോയെന്ന് പരിശോധിക്കണം. പ്രായപരിധി തീരുമാനത്തിൽ പിണറായിയ്ക്ക് ഇളവ് നൽകിയെന്നും സുധാകരൻ്റെ ഓർമ്മപ്പെടുത്തൽ.
പാർട്ടി സമ്മേളന കാലയളവിലെ ജി സുധാകരൻ്റെ പ്രസ്താവന കൂടുതൽ ചർച്ചകൾക്ക് വഴിവെച്ചേക്കാവുന്നതാണ്
