Advertisement
തിരുവനന്തപുരം: ആകാശവാണി വാർത്ത പ്രക്ഷേപകൻ എം. രാമചന്ദ്രൻ്റെ സംസ്കാരം ഇന്ന്. രാവിലെ 10 മണി വരെ മുടവൻ മുകളിലെ സ്വവസതിയിൽ പൊതുദർശനം. രാവിലെ 10.30 മുതൽ തിരുവനന്തപുരം പ്രസ് ക്ലബ്ബിലും പൊതുദർശനം ഉണ്ടാകും. 12 മണിക്ക് തൈക്കാട് ശാന്തികവാടത്തിലാണ് സംസ്കാരം.
ഇന്നലെ ഉച്ചയ്ക്കാണ് എം. രാമചന്ദ്രൻ മരിച്ചത്. 91 വയസായിരുന്നു. വ്യത്യസ്തമായ അവതരണ ശൈലിയിലൂടെ ആകാശവാണി പ്രേക്ഷകരുടെ ഹൃദയത്തിൽ ഇടംപിടിച്ച വാർത്ത അവതാരകനായിരുന്നു എം. രാമചന്ദ്രൻ. അദ്ദേഹം അവതരിപ്പിച്ച കൗതുക വാർത്തകൾ എന്ന പരിപാടി ഏറെ ജനശ്രദ്ധ നേടിയിരുന്നു.
കെ.എസ്.ഇ.ബി ജീവനക്കാരാനായിരുന്നു രാമചന്ദ്രൻ വാർത്ത വായനയോടുള്ള ഇഷ്ടം കൊണ്ടാണ് ആകാശവാണി തൊഴിൽ മേഖലയായി തിരഞ്ഞെടുത്തത്. ഇന്ദിരാഗാന്ധി അന്തരിച്ച വിവരം ആദ്യം ലോകം കേട്ടത് എം രാമചന്ദ്രൻ്റെ ശബ്ദത്തിലൂടെ ആയിരുന്നു.
