Advertisement
തിരുവനന്തപുരം. കാട്ടാക്കടയിൽ മുക്കുപണ്ടം പണയം വച്ച് 2 ലക്ഷം രൂപ കവർന്നു.കാട്ടാക്കട ഗവൺമെൻ്റ് ആശുപത്രിക്ക് സമീപം വി.എസ്.എൻ ഫിനാൻസിൽ ആണ് സംഭവം.ഇന്നലെ വൈകിട്ട് ആറരയോടെ ഒരു സ്ത്രീയും പുരുഷനും സ്ഥാപനത്തിൽ എത്തി.കയ്യിലുണ്ടായിരുന്ന മാല നൽകി പണം ആവശ്യപ്പെട്ടു.കുഞ്ഞിന് സുഖമില്ല പെട്ടന്ന് പണം വേണമെന്നായിരുന്നു ആവശ്യം.
ആഭരണം പണയം വയ്ക്കാൻ നൽകിയ വിലാസവും വ്യാജം.അഖിൽ എന്നയാളും ഭാര്യയും സ്ഥാപനത്തിലെത്തിയെന്നാണ് ഉടമകളുടെ മൊഴി.ഇവർ നൽകിയ വിലാസം മുമ്പ് താമസിച്ചിരുന്ന വാടക വീടിന്റേതെന്ന് കണ്ടെത്തി.പ്രതികൾക്കായി പോലീസ് വിശദമായ അന്വേഷണം ആരംഭിച്ചു.
Advertisement
