Advertisement
തൃശൂർ. കുട്ടനല്ലൂർ ബാങ്ക് തട്ടിപ്പ് . കോടികളുടെ ക്രമക്കേടുമായി ബന്ധപ്പെട്ട് സിപിഎം പാർട്ടിതല നടപടി.ബാങ്ക് പ്രവർത്തിക്കുന്ന മേഖലയിലുള്ള ജില്ലാ കമ്മിറ്റി അംഗവും തൃശ്ശൂർ കോർപ്പറേഷൻ കൗൺസിലറുമായ വർഗീസ് കണ്ടംകുളത്തിയെ തരംതാഴ്ത്താൻ തീരുമാനിച്ചു.ജില്ലാ കമ്മിറ്റിയിൽ നിന്ന് ഏരിയ കമ്മിറ്റിയിലേക്കാവും തരംതാഴ്ത്തുക.
ബാങ്ക് പ്രവർത്തിക്കുന്ന ഒല്ലൂർ ഏരിയയിലെ സെക്രട്ടറി ആയിരുന്ന കെ പി പോളിനെ പാർട്ടിയുടെ തിരഞ്ഞെടുക്കപ്പെട്ട എല്ലാ പദവികളിൽ നിന്നും ഒഴിവാക്കി.ക്രമക്കേട് നടന്ന കാലത്ത് ബാങ്കിൻറെ പ്രസിഡണ്ട് ആയിരുന്ന റിക്സൻ പ്രിൻസിനെ പാർട്ടിയിൽ നിന്ന് പുറത്താക്കാനും തൃശ്ശൂർ സിപിഎം ജില്ലാ കമ്മിറ്റി യോഗം തീരുമാനിച്ചു. ക്രമക്കേട് നടന്നകാലത്ത് ബാങ്ക് ഡയറക്ടർമാരായിരുന്ന അഞ്ച് സിപിഎം നേതാക്കളെ ഒരു വർഷത്തേക്ക് സസ്പെൻഡ് ചെയ്യാനും തീരുമാനമായി.
Advertisement
