തിരുവനന്തപുരം. ജമ്മു കശ്മീരിൽ ഒമർ അബ്ദുള്ള സർക്കാരിന്റെ സത്യ പ്രതിജ്ഞ ബുധനാഴ്ച ഉണ്ടാകും. ജമ്മുകശ്മീരിലെ
രാഷ്ട്രപതി ഭരണം പിൻവലിച്ചു.ഇത് സംബന്ധിച്ച് കേന്ദ്രം വിജ്ഞാപനം പുറപ്പെടുവിച്ചു.ജമ്മു-കശ്മീർ പുനഃസംഘടന നിയമത്തിൻ്റെ 54-ാം വകുപ്പ് പ്രകാരം, മുഖ്യമന്ത്രി നിയമനത്തിന്റ ഭാഗമായാണ് നടപടി.ഒമർ അബ്ദുള്ള സർക്കാർ രൂപീകരിക്കാൻ അവകാശവാദം ഉന്നയിച്ചതിന് പിന്നാലെ, ലെഫ്റ്റ് നെന്റ് ഗവർണർ മനോജ്‌ സിൻഹ രാഷ്ട്രപതിക്ക് റിപ്പോർട്ട് നൽകിയിരുന്നു. റിപ്പോർട്ടിന്മേൽ കേന്ദ്ര ആഭ്യന്തര മന്ത്രലയത്തിന്റെ മറുപടി ലഭിച്ച സാഹചര്യത്തിലാണ്, രാഷ്ട്രപതി ഭരണം പിൻവലിക്കാനുള്ള തീരുമാനം. 2018ൽ ഗവർണർ ഭരണത്തിൻ കീഴിൽ ആറുമാസം പൂർത്തിയാക്കിയ ശേഷം അന്നത്തെ രാഷ്ട്രപതി രാംനാഥ് കോവിന്ദ് ആണ് സംസ്ഥാനത്ത് രാഷ്ട്രപതി ഭരണം ഏർപ്പെടുത്തിയത്.
അതേസമയം മന്ത്രിസ്ഥാനം സംബന്ധിച്ച് ഇന്ത്യ സഖ്യത്തിൽ ചർച്ചകൾ പുരോഗമിക്കുകയാണ്.
